kiel_vignet_profile
Chris Kiel

Chris Kiel (1943) het tot zien 62e leroar Nederlands west. Hai schreef wel es toneelstukjes, laidjes, enzovoort veur schoolfeesten en zo, mor hai publiceerde nooit.
Zo’n vatteg joar het e docht dat zien collega’s misschien wel geliek harren dat e n goie hand van schrieven har, mor dat zien verbeelden abseluut te klaain was om zuk aan fictie te woagen. Loat stoan dat e doch aan publiceren.
Dat veranderde: dou e mit de VUT ging, begon e de Grönneger bouken en tiedschriften te lezen dij e joarenlaank wel aanschaft har, mor woar e nooit recht aan toukommen was.
Noa n haalf joar zat e zo vol Grönnegs, dat e t begon te schrieven. Vanof dij tied schrif e geregeld verhoalen, mainsten hebben in t tiedschrift Krödde stoan. Nou Krödde nait meer bestaait, publiceert e of en tou in Toal en Taiken  en op de sites van Oader en Webloug (www.oader.nl en www.webloug.nl ).
Deur aal dat lezen en deurdat e al meer as vatteg joar op t Hogelaand woont, is zien (oorspronkelk Oost-Grönneger, mor nait echt Westerwoldse) toal n mengelmous van Grönneger dialecten worden. Zowat Standaardgrönnegs, het e t zulf wel es nuimd.
In december 2014 verscheen zien verhoalenbundel Weerzain as ‘begunstegersbouk’ (donateurscadeau) van de St. t Grunneger Bouk. Mit dit bouk het e de Streektaalprijs van t Dagblad van het Noorden wonnen.

Sluit Menu